برسات کی بہاریں (نظیر اکبر آبادی)

 

 

  برسات کی بہاریں

ہیں اس ہوا  میں کیا  کیا برسات کی بہاریں 

سبزوں   کی   لہلہاہٹ ،  باغات  کی   بہاریں 

بوندوں کی جھمجھماہٹ، قطرات کی بہاریں

ہر  بات کے تماشے، ہر گھاٹ کی بہاریں 

                     کیا کیا مچی ہیں یارو، برسات کی بہاری 

بادل ہوا کے اوپر ہو مست چھا رہے ہیں

جھڑیوں کی مستیوں سے دھومیں مچا رہے ہیں

پڑتے ہیں پانی ہر جا جل تھل بنا رہے ہیں

گلزار بھیگتے ہیں سبزے نہا رہے ہیں

          کیا کیا مچی ہیں یارو! برسات کی بہاریں 

ہر جا بچھا رہا ہے سبزہ ہرے بچھونے

قدرت کے بچھ رہے ہیں ہر جا ہرے بچھونے

جنگلوں میں ہو رہے ہیں پیدا ہرے بچھونے

بچھوا دیے ہیں حق نے کیا کیا ہرے بچھونے

                    کیا کیا مچی ہیں یارو! برسات کی بہاریں 

سبزوں کی لہلہاہٹ، کچھ ابرکی سپاہی

اور چھا رہی گھٹائیں سرح اور سفید کاہی

سب بھیگتے ہیں گھر گھر لے ماہ تا بہ ماہی

یہ رنگ کون رنگے تیرے سوا یا الٰہی!سن

          کیا کیا مچی ہیں یارو! برسات کی بہاریں 

کیا کیا رکھے ہے یا رب، سامان تیری قدرت کہ

بدلے ہیں رنگ کیا کیا ہر آن تیری قدرت 

سب مست ہو رہے ہیں پہچان تیری قدرت

تیتر بھی پکارتے ہیں سبحان تیری قدرت 

                    کیا کیا مچی ہیں یارو! برسات کی بہاریں 

(کلیات نظیر) 

                                  ایسی اچھی اچھی نظمیں اور شاعری پڑھنے کیلیے اس لنک کو لازمی شئیر کریں

           آپکا دوست        

 محمد حسین لودھی

03040680512